"" .. وعكة صحية .. ""
سلام مع عطسه =\
سامحوني حبايبي صارلي فترة ما كتبت
بس انشغلت شوي بالويك اند كان مليء بالاحداث
اهي سعيدة طبعا .. احم نوعا ما .. لا لالا سعيدة =\
اول شي الاربعاء كان عرس وحده من قرايبي
كان بسيط وحلو الله يهنيها انشاء الله ..
و كللللوش وعليك سعيد وعليك مبارك و... الخ خلصنا =)
منها المال ومنه العيال ما ادري شيقولون كله واحد ^_^"
الخميس وما ادراك ما الخميس !
كان يوم وايد حلو
لانه كان عيد ميلاد رفيجتي العزيزة
طبعا قعدت افكر واخطط شنو اييبلها هدية قلت ابي شي يديد
وووو لما انا ابدأ بالتفكير تتوقف الارض عن الدوران بالمسار الاهليجي
وتنبني مطبة بالميلكي واي لتعطيل الاقمار عن السير
مما ينتج عن حوادث ومصرع واصابات كائنات فضائية
لتستجمع هذي القوى في عقلي الباطن مما يجعل تفكيري خصب
وصالح لاستقبال وانتاج اكبر عدد من المعلومات بسرعه 500 كمث
احم جني شطيت عن الموضوع =\
الخلاصة ان اخر ما توصلت الية اني اييبلها نطاطية *_*
محد يابه لها ولا يخطر على بالها
بس الوقت ما كان يسمح كلش فقررت اني اييبلها كنافة تقزر فيها على ما ايبلها الهدية ^_^
ووصلنا اخيرا بعد ما تنقعنا من قبل الكنفاني
الله يسامحه بس عليه خوش كنافة يديدة جنها خلية نحل
.
.
.
استقبال حار من قبل صديقتي العزيزة وبعض اصدقائها اعرفهم والباجي اول مرة اشوفهم
بس لانه لي مكانه خاصة عندهم احم احم
يعتبروني وحده منهم .. احبهم والله ^_^
طبعا انا مو متغدية وريحه الكنافة صكت راسي بالسيارة
(لاني استحي) اههي نطرت ساعه كاملة جان اقول لها
: ها متى ناكل يوعانه @_@
طبعا اللي يعرفني لازم يعرف قصة الحب اللي بيني وبين الاكل
المهم ويا الهيصة والزمبليطة ووسط الزحمة .....
طططرررراخ =\
ريولي !!
طقو علي اثنينهم ما حسيت بنفسي الا ارجف .. قعدت شوي
بس من الروحه واليية والجو الاحتفالي نسيتهم وكملت
وتناسيت العوار
حاشني شد عضلي
ما حسيت فيه الا ثاني يوم لما قمت من الفراش واهبد عالارض ..
امم تقريبا صارت هزة ارضية ^_^"
وعينكم ما تشوف الا النور حالتي الصحية تدهورت بشكل اكبر
حرارتي مرتفعه وبداية انفلونزا يعني يعني ويع كل شي مرة وحده
يا ربي شكثر اعانييييي =\
حتى اني خذيت مرضية من الدوام
لاني قاع امشي نفس القبقب .. الله يفشلني =\
بس مو بيدي شسوي اهئ اهؤ ..
بس لا تحاتون كلها يومين انشالله واقوم جني شاذي =)
دعواتكم ....
وحشتوني طمنوني عليكم =)
"" .. Manooya .. ""
posted by Manooya @ 10:33 PM
16 Comments:
سلامااااااااات وماتشوفين شر
Wee wa3laya
awal shay salam
thani shay salamat matshoofen shar
bas tara khosh fasla lol
حلوه القبقب
سالفة قلب :
الله يسلمج والشر ما اييج انشالله قلب
zalabya :
عليكم السلام
شفتي بالله يا وخيتي انشالله ما تشوفين مكروه بعزيز الله يسلمج
الفصلة اساس الحياة عشان جذي لازم نتحمل عواقبها =\
نورتي البلوق *_-
arwa :
يسلمج حبيبتي من كل شر
ويعافيج
مدونتج اجمل ونورتينا ^_^
barrak :
تتطنز هاا @_@
لوول عاد ما استلطف القباقب احسهم مجرمين .. هذي حوبتهم =\
هههههههخ
سلامات ,, ماتسوى عليج لول
^_^ كل عام ورفيجتج بخير,,
اول شي كل عام ورفيجتج بخير
وعليج بالعافيه بالكنافه وغيره من اصناف الاكل
:D
ثانيا سلاااااامتج وماتشوفين شر ان شاء الله
والله يقومج بالسلامه يارب
:)
.. تحياتي ..
سلامات و ما تشوفين شر
ra7eeq :
الله يسلمج حبيبتي لوول اي واله ما سوت علي بغيت استانس شوي طاع شصار فيني ^_^"
وانتي بالف خير يا رب =)
si7leya :
وانتي بالف خير حبيبتي يعافيج مشكورة.. بس اهم شي ان بعد كل هذا ما ذقت الكنافه لاني التهيت بباجي الاصناف على قولتج لوول =\
الله يسلمج من كل شر انشالله مشكورة على اهتمامج ونورتي بلوقي =)
chai-7aleeb :
الشر ما اييك الله يسلمك استغليتك عدل هالفترة لوول لاني ما احب الشاي بروحه ولازم اشرب اشياء حارة =P
وي سلامتج وماتشوفين شر منوويه
وماعليج التعب يروح مع الوناسه
اهم شي الوناسه وراحت البااااال :>
واعجبتني وايد فكرة النطاطية
^_^
احنا بعد ولهنا عليج وعلى سوالفج
NESCAFE :
الله يسلمج من كل شر بس ويين راحت البال ويا هالانفلونزا تذبح =(
النطاطية وايد حلوة انصحج فيها عن تجربة =D
قلبي والله توله عليج العافية (F)
evans :
هلا بالعروسة ^_^
الله يسلمج اي والله مليق الشد لوول ما احب اتعور =\
الله يبارك بحياتج وانتي الف مبروك ودي اسويلج زفة مصرية وكلللوش بس سامحيني صوتي مبحوح ما اقدر اغني والا جان غنيت بس رأفة بالجماهير اههي ^_^"
انتي معذورة يا سارونه ويايج الدور بعد جم يوم تصيرين احلى عروسة ........... مستانستلج ^_^
منوويه .. تصدقين قمت افكر بالنطاطية جد:P
لا تسأليني لييش .. بس الملل راح يقتلني
ودي اسوي اي شي اغير من الروتين اليومي المليييييق
من فترة كنت قاعده اسأل وين احصل العاب بالكويت بس يكون فيها تفكير شوي.. يعني مثل الالغاز والخدع وتحتاجين تفكرين علشان تحلين اللعبه .. ماعندج خبر وين اقدر احصلهم؟؟
انا غراامي جذي :>
هذي اول زياره لي وانشاءالله مو اخر زياره
هههههه اهم شيء تمشين مثل القبقب
ههههههههه حلوه
وانشاء الله اتقومين مثل الغزال على قولت يدتي
وما تشوفين شر انشاء الله
وتحياتي
وســـن
سلااامات و ما تشوفين شر ;*
عيدميلاد اقرب صديقة لي الاسوبع الياي و ابي اسويلها شي غريب و حلو ;p
بما انج توج مفكره اكيد عندج افكار ..
النطاطية اعجبتني حداااا ;p
---
نسكافيه :
في العاب ذكاء جماعية .. تلاقينهم بفيرجين اسمها ذكي .. حدهم حلوين
في لعبة يلعبونها 2 - 4 حدها حلوه .. مادري شسمها بس انا سميتها لعبة النحاسة انه لازم تفكرين شلون توصلين الجهة الثانية و بنفس الوقت تقدرين تسكرين على منافسينج !
في انواع وايد حلوه روحي شوفي ;)
mash'hoor :
hizz 2 el shar ma ayeek ,
thanx 4 asking =)
--<-@
bangbang :
هلا فيج اختي وانشالله ما ننحرم من زياراتج =)
لوول اليوم ريولي صارت احسن شوي بس هالعله الانفلونزا لازقة =/
مشكورة على اهتمامج ^_^
qiyadiya :
الله يسلمج من كل شر :*
والله انا مثلج قعدت افكر شنو اييب انترست البنت مكياج وعطور وساعات وما ادري شنو قلت اييب شي مميز ويونس فكان الاختيار النطاطية =D
خصوصا انها تبي تضعف فهذا الشي يساعدها
ويعتمد بعد على ميول رفيجتج وشنو تحب بما انها اقرب رفيجه فاكيد تعرفين اهي شنو تحب اكثر شي =)
شرفتني زيارتج ^_^
شكررررراً قياديه بروح اشوف ان شالله :>
شكرررررررررررررررررررررررر لك
----------------------------
دليل - منتديات - موقع - برنامج - برامج - العاب - العاب فلاش - قناة - جريدة -
Post a Comment
<< Home