"" .. يوم في المارينا .. ""
سلام ^_^
اول شي اشكركم وايد حبايبي على سؤالكم عني يوم كنت خرجه =)
الحمدلله الحين صرت وايد احسن وقاعد اتماثل بالشفاء اههيى ..
بما اني من زماااان ما طلعت اقترحت امس على العائلة الكريمة انا نروح في قزة الى المارينا
مينونه ؟؟ مو صاحية ؟؟ لا لا لا اخاف لما الحين مصخنه ؟؟!
مارينا الخميس !!
صج اني ما احب الزحمه بس ساعات الواحد هرمون الطماشة يكون عنده زايد فلازم يفرغه بجم ساعه من الفصلة والتطمش على الاشكال الغريبة اللي يشوفها هالايام =)
<<<< طبعا الطماشة تكون بيني وبين اخوي العزيز اهو اللي فاهمني ههه
v
اهم شي اني عطيت تهديد قوى حق امي العزيزة قلتلها اذا تبين تيين معانا ممنوع ارغامي على دخول محل ملابس اليوم للقز والعشاء فقط @_@
طبعا في علاقة حب عنيفة بيني وبين virgin mega store خذيتلي فرة وكتاب وايد حلو تكلمت عنه اختنا ساره اسمه "سأراقص الدموع" صراحة اسلوب ادبي سلس ويدش القلب بدون استئذان !
v
v
بعد معاناة وحنه وزنه قدرو يشلعوني من فيرجن لنكمل القزة ^_^" طبعا لزوم الطماشة لازم نقعد بكوفي شوب ولو اني مو متعودة كلش وتقريبا اول مرة اسويها اخذنا زاوية انا واخوي بلونوتر "مشروباته فاشلة
" -__-"
ونتامل بالمخلوقات الغريبة اللي قاعد تمشي ........ بس توصلنا حق نظرية !! ا
!
أغلب اللي كانو موجودين يشابهون بعض .. يعني صارو موديلات !
v
v
الصبيان وينقسمون الى :-
-
1- شاب مؤدب : كائن حي ماشي بحالة ماله شغل باحد وغالبا ما يكون مع اهله او اصدقاءه المسالمين .
-
2- بدي بلدر : واهو اللي يكون عادة قصير القامة عريض المنكبين ويختار اضيج بدي عشان يطلع عضلاته المفتوله بفعل الابر وبالنهاية يتكون شكل مقزز يرفضه المجتمع !
-
3- بو عقاد : هالفئة تضم الكراتين وسكان المناطق البعيده – مع احترامي- وعادة يكونون لابسين دشاديش مخصرة وشماغ او مكشوفين الراس ويتمشون ببطئ لرصد تحركات اي بنية ومحاولة ايقاعها ببيت من الشعر يلقيه عليها واهو ماشي !
-
4- خريجين المدارس والجامعات الاجنبية : يكون مبين عليهم التأثر بالغرب بشكل كبير لدرجة انهم يقلدون حتى المشية الـ"كوول" على قولتهم وعادة يكون حاطين ترجيه ولبسهم دايما مرقع نفس الاجانب وما يتكلمون الا انجليزي ...... المشكله ويوههم ما تساعد !
-
5- جماعه المراهقين ما بين 13 – 19 : واهم اللي مستحلين اغلب السوق وتكون رؤوسهم عبارة عن شي يشبه ايس كريم المكاين هذا اللي ايي حليب كاكاو من فوق مبوز عرفتوه ؟؟او سبايكي تيمنا بـ sonic the hedgehog والقلم بوكشة "متوفر بجميع المكتبات" .
-
6- اخواننا ذوو البشرة السمراء : ما تشوف واحد الا ويرقص فجأة !! ما ادري شلموضوع .. يمكن عشان خميس =\
-
اخر شي السطر الثالث : اعتقد فهمتو قصدي ! غالبا يكون مو عاجبة ومضايق ما ادري ليش .. يمكن شايف نفسه بالمنظرة !
~~~~~~~~~
نيي حق البنات :
v
v
1- بنت مؤدبة : نفسي احم احم (ويه بريئ) لوول واهي عادة تكون ماشية بحالها ومالها شغل باحد ومع اهلها او رفيجاتها المؤدبين .
-
2- بنات البلاستيك : كائنات دخيلة على المجتمع تكون عبارة عن استساخ قلبا وقالبا لما يعرض بالتلفاز تلاقون كل شي فيهم متفخ ولازم الشعر كشة ما ادري ليش يمكن يت عالشعر وتعبو !
-
3- بنات (خوات بوعقاد) : كائنات تكتسح بالسواد لبسهم المعتاد عبارة عن عباية ضيقة جداجدا قابلة للانفجار باي لحظة .. هذي الكائنات تيي بعدة اشكال (نقاب بو خدود – شيلة مع قذلة كبيرة – وغالبا يكون مكياج عروس )
"على فكرة تقدرون تميزون بعض بنات السعودية بالعباية والشيلة على الجتف والشعر مفلول تريد مارك"
! مع احترامي لاخواتنا السعوديات وضحت البعض مو الكل ^_^
-
4- الفئة العمرية ما بين سن 8 - 18 : المفروض يكونون اطفال ويتسمون بالبراءة وما فوق مراهقين ويتميز هالعمر بقابلية صاحبه للتقليد الاعمى لكل ما يراه فاذا كان مثلهم الاعلى خواتهم البلاستيك شنو بيطلعون !
v
ملاحظة : غالبا هالفئة تتخذ من البرمودا صيفا والتنورة قصيرة وبوت شتاءا في لبسها واللي يقصر اهو الفايز !
-
5- محجبات ولكن : الكتاب باين من عنوانه طبعا للاسف بعض المحجبات لو يقطونه احسن لانه اصلا مرات يطير بالهوى !
-
5- البويات : شعر سبايكي – بلوزتين فوق بعض "لما الحين ما ادري ليش " =\ - baggy jeans - ونعال نجدية او جوتي اديداس وانتو بكرامة .. تكون ماشية وتتحجى بالتليفون ووياها وحده لابسة قصير يمكن ايون ويا بعض بنفس الكرتونه !
-
!!!
طولتها عليكم ادري بس كان خوش يوم بالنهاية حبيت احطلكم صورتين خذيتهم عالسريع بس كان ودي لو الصبح يطلعون احلى
هذي النافورة اللي بالواجهه الي عالبحر
يختات سافطين مال تاخذلك واحد وفوقه ^_^
" كان في طراد حلو على شكل حمار وحشي صورته بس ما بين بالظلمة حسافة =\
كان في مشروع تصوير اخوي ويا النافورة بس لانه كان ظلمة والفلاش يطلع لون اصفر قلت اجرب بدون فلاش
فكانت النتيجه كالتالي ^_^ "
v
v
v
طبعا انا ما كنت ادري انه بيطلع ظل
وكان مشروع صورة جميلة بس يوم شفته اسود
واللي وراه واضح قلت يبيلة بوزشن فلم رعب =D
عزيزي المواطن : قليل من الشطانه لا تضر =)
"" .. Manooya .. ""
posted by Manooya @ 3:01 AM
26 Comments:
لوووووووووول
تصنيف دقيق للأوادم و هذا صج
تستانسون بالعافيه
و يبيلنا بالكويت 30 مشروع مثل مارينا مول للوناسه
صج تصنيف دقيق بس صدقتي والله
انا وحده كرهت السوق من هالاشياء اللي نشوفها، قمت اروح اخذ حاجتي واطلع
تقعدين بالقهوه بمكانج كل شي يمر عليج تشوفين كل الاشكال من كل الفئات وكل الاعمار
بس والله يعورني قلبي عليهم، يعني قولي الشباب الصغار بيكبرون وبيفهمون، بس اللي اصلا كبار ليش تفكيرهم صغير!
الله يهدينا وياهم
اهم شي استانستي ، وغيرتي جو
منوويه ممكن تسجلين بفلكر وتبدين تحطين صورّج.. راح انتظرج :)
أهم شي استانستو :))))
لوووول جملة خالاتي المعهوده إذا مانبي نطلع الخميس ..
(( منو اللي مستانس بهالدنيا غير هالهيلق ))
عيشي حياتج عاااادي .. وتأقلمي مع الزحمة هم عادي .. لوووول ادري اني وقت الصجية راح اتنرفز بس قاعده اطور شخصيتي ;)
chai-7aleeb :
عسى دووم الضحكة مو يوم =)
والله ياخوك مو مني من اللي شفته هوايل هوايل !
لول تدري شلمشكلة ؟؟
انه كل ما يسوون مول يديد تطلع شخصيات يديدة =\
والله يستر من الياي !
nescafe :
يعني انتي تصنيفج رقم 1 من البنات اههي ^_^
والله انا بعد كنت انقهر وتنبط جبدي ولازلت صراحه على اللي قاع اشوفه بس هالمرة قلت يبيله فصلة وتطمش عشان ابرد جبدي فيهم بالبلوق لوول
نسكافيه صج اني اشوف ان صوري لحد الحين ما تسوى فلكر يمكن تكرهيني بسبتهم اهههي بس ولا يهمج انشالله قريب بتشوفين فلكري البطاطي ^_^
relaaax :
اي والله لول مع كل اللي شفته بس استانست =)
وانتي الصاجه الهيلق يستانسون واحنا نضحك عليهم =))
انا الي صج اكرهه الزحمة واللوية حزتها مالج امل اقدر اشوف شي
بس لانا قاعدين احنا نشوفهم بس اهم ما يشوفونا ;)
ثـــانكس للمرور ^_^
bo-wardah :
هلا ولد خالتيا =)
لوول عبدالله شفيك ما تعرف الكراتين ؟؟
ما نسيت احد لا تخاف ;P
منور ^_^
msh'hoor :
عليكم السلام =)
يسلمك من كل شر
ثانكس للمتابعه ^_^
فعلا قليل من الشطانه لاتضر صح لسانك
شكرا على تشجيعك للسياحه المحليه
السلام عليكم .....
بالصدفة لقيت بلوقج والحقيقة دمه خفيف وموضوع المارينا مت من الضحك على تصنيفاتج :)
سعدت بالزيارة
تحياتي
her :
iam happy that u liked it ^_^
yours 2 ;)
glad 2 c u here =)
barrak :
صح ابدنك =)
وووو حاظرين -_*
bo-sale7 :
عليكم السلام =)
شكرا للاطراء وشي يسعدني انك استلطفت بلوقي ^_^
سعدت بزيارتك اكثر و حياك الله =)
bo-warda :
اقولك ليش كراتين =D
اممم لو خذيت كرتونه او "باكيت" زقايرر مارلبورو احمر وتاملت فيها ... شنو تلاحظ -..-
وراعي انك وانت تتامل بالشطر الايمن من مخك استعمل الشطر الايسر لتامل شاب سعودي بكامل اناقته بالدشداشة والشماغ الاحمر ... بس اكثر من جذي بنطق ترى =\
اذا توصلت للحل الصحيح قولي ;)
بس دير بالك هذا سر خطير لازم ما ينتشر بالسعودية -_*
This comment has been removed by a blog administrator.
وااااي حدي حبيت بووستج
جنج انا واختي لوول
بس نروح المارينا نقعد وبس نعلق عالاكو والماكو
لان اللي صاير الحين شي غريب عجيب
واشكال من جميع الاصناف
ويعطيج العافيه عزيزتي
.. تحياتي ..
موضوع خفيف دم
ومع قزه جريئة ثانية
si7leya :
حبيبتي تسلميييين ^_^
تعالو انضمو لنا انتي واختج لوول وناسة نصير خوش قروب =D
ثااانكس للاطراء ^_^
لا انا ما اقز وايد يعني بالسنة حسنة لوول بس جنه يازلي الوضع =\
اسعدني تواجدكم ^_^
يعطيج العافية على هذا الوصف الجميل،
انا بصراحة أروح المرينا علشان أضحك على الأشكال الموجوده
وأتمنا اتزورين البلوج مالي لأن كاتب عن الأشكال اللي بالمرينا
تسلمين
physio-80 :
الله يعافيك تسلم =)
تمت الزياة وووحياك الله ^_^
تصنيف رهيب بصراحه
بوست ممتع اختي واهم شي استانستوا عليكم بالعافيه
اصلا الواحد ما يروح المجمعات الا عشان
يتطنز على هالاشكال
اللي استغفر الله ربي
ما دري شلون خلوهم اهلهم يطلعون من البيت
اختي
عندنا و عندكم خير
بس فرةفي السيف
يوم الخميس تعرفين بعدها قصدي
اشكرك على هالتدوينة
ذات النقد اللاذع
اعجبتني كثيرا
أول مرة ادش مدونة مليقة مثل مدونتج !!
تصنيف يدل على سطحية صاحبة المدونة !!
لو بحلف نص اللي ردوا وصاحبة المدونة أجكر ماخلق ربي !
سلام !!
miss-tofa7a :
اهلا فيج اختي اسعدتيني باكثر من شغله :
1- ان البوست اعجبج =)
2- انج شرفتيني فبلوقي المتواضع ^_^
الله يعافيج ويجعل ايامج كلها وناسة يا رب
بحرينية :
حيا الله اهل البحرين =)
معروفين بالطيبة والكرم يا بحرينية ومرورج اسعدني كثيرا =)
anonymous :
كنت اقدر اسويلك ديليت بحركة وحده فقط لا غير بس قلت لا مو من طبعي ...
بكل بساطة خلابرد جبدي فيك =))
اول شي انا مو حاطة عنتر عند الباب يطقك اذا ما دشيت بلوقي !
ثاني شي انت لو فيك خير جان كتبت بنيك نيمك الاصلي مو خاشلي روحك نفس النعامة وتتحجى بعد !
ثالث شي اذا على قولتك انا ونص اللي ردو جياكر خلاص احنا قررنا نتواضع ونخلي الجمال حقك =)) !
بابا روح موت !
لووووووووووووول
وانا قلت اني مـزيون ؟؟
المشكلة بلوقج موجود بالدليل ... وللأسف انه موجود !!
لا تكفه .. سويلي ديليت !!
بنات اخر زمن !
ما ادري عنك شاط عمرك وتقول علينا جياكر قلت يمكن ملك جمال القارات وانا ما ادري !
لوول اتضحكني والله
احسك فاضي .. اذا بلوقي باط جبدك ومليق على قولتك ليش مهتم وداش ؟!
وي صح نسيت اكيييد عنتر ارغمك على الدخول صح ؟!
يا رب لا تبلينا =)
يعطيج العافية على الموضوع الظريف.. مع اني صارلي سنة مو راجع الكويت, بس ألحين أحس اني صارلي يومين أتمشى بالمارينا على مواصفاتج لوول..
مشكورة اختي و ننتظر مزيدج
bo-warda :
اللله يعافيك حياك الله =)
sar7an :
الله يعافيك =)
افا عليك نقل حي مباشر اصلا اهم تحديدا كل خميس النوعيات كلها تجتمع هناك والله يستر من الياي ="))
وانشالله ترجع بالسلامة بشهادة حلوة =)
حياك الله ^_^
اهلين..
انا بنت من السعوديه ولما قريت البلوق قلت لازم ارد =|
اول شي انا نفسي اول مره ادري انه التريد مارك حقتنا الشيله عالكتف والشعر مفتوح :| shocking!
وبعدين بليز ماله داعي التطنز على غير سنع.. اذا بنتكلم عن عيال وبنات الكويت ماراح نخلص،، انا رحت الكويت وشفت عيالهم وبناتهم وعيالنا وبناتنا هناك :| مافي مجال للمقارنه! إذا السعوديين "هيلق" فالكويتيين يتميزون باشياء ادهى وامر =P
معليه تحمست بس من جد يعصب!!
Ciao.,
cutechick :
اول شي هلا باهل السعودية =)
وسامحيني اذا كنتي فهمتي غلط بس انا وضحت ان مو الكل ,, وانا تكلمت عن كل المستويات وما شملت الكل
وعلى فكرة انا نصي سعودية ونص اهلي سعوديين فطبيعي يكون احترامي لهم بقلبي قبل لا يكون اي شي ثاني
بس انا اتكلم عن بعض النوعيات والي قاعدة اشوفها
والموضوع كله صغته بقصد الطرافه لا اكثر =)
واعتذاري اذا كنت ضايقتج بكلامي =)
واحترامي للبنك -_*
شكرا على الموضوع
How to make an awesome ceramic price - TITanium Art
In titanium forging this tutorial, we'll take a look at a tube supplier ceramic art design from TITanium. a ceramic, ceramic, and titanium teeth k9 copper. titanium sheets The best 2014 ford focus titanium hatchback ceramic art
Post a Comment
<< Home