AnOtHer Job !
اليووم اربعاا
ونازلة المعاشاات .. يعني من ازحم ايام الشهر والاسبوع اصلا :D
بس الحلو ان باجر عندي OFF
يعني اقعد التقط انفاسي شوية عشان أباشر من اليمعه ليي الاربعا الياي لول
ويستمر الروتين =)
الحالة : شوية نشلة.. احس نفسي فيروس بالدوام عديت الي وياي مساكين لول
انا المفروض يعطوني جائزة نوبل بعدم الاستقرار الوظيفي لوول من اول ما بلشت البلوق يمكن توظفت باكثر من 4 وظايف =\
الحظ يلعب دور وايد كبير وياي .. وايد ناس ما تؤمن بهالشي واي احد ما يعرفني ممكن يحط الوم علي
بس فعلا الانسان له طاقه معينه .. وقدرة تحمل معينه .. اذا فقدها تخرب الدنيا !
خلال السنه الي مرت علي الي انا كنت مقصرة وياكم وايد فيها "اعترف" كنت اداوم بمكان من اتعس الاماكن الي مرت علي
وكنت اعيش ايام تعيسة للغايه بسبب هذا الدوام .. ببساطة الي ما يكون خبيث ويدور مصلحته ما يقايش ويا مجتمع العمل
للاسف هذا الي قاع يصير باغلب الاماكن اذا مو كلها
الي يصرخ وصوته عالي دايما هذا انسان جدي ويشتغل بضمير
اما انك تصير محترم وطيب وخوش واحد وخدوم وصوتك ما يطلع لاااا اقعد فبيتكم احسنلك واحفظ لكرامتك !
الي يدور الزلات ويدور اغلاط الي معاه ويصعد على ظهرهم هذا الي يستحق الترقية ويستحق كل احترام ويعرف يمسك زمام الامور "من وين يابتها هذي"
اما الغلابة الي زيينا الله يخلف عليهم :P
كل شي يهون بس ابو ويهيين شلون نتعامل وياه ؟؟
ما تصدقون شنو تنرفزني وتقتلني هالشخصية !!!
ماحب الانسان الي له طبعين .. واحد معاك وواحد فجأة ضدك !!
تحبني تستظرفني تعزني قوول تكرهني يسلم راسك بس خليني اعرف ..
يا جماعه احنا نقضي يومنا بالدوام اكثر مما نقضيه بالبيت .. نشوف زملائنا بالدوام اكثر من امنا وابونا وعيالنا واهلنا
اصلا الواحد يرد البيت يدور شغلتين الثلاجة والفراش ..
ليش ما نخليه وسط مريح ؟؟
ليش ما نتعاون انه نكون اهل وربع ؟؟
ليش ندور زلات بعض ونحفر حق بعض وناكل من لحم بعض ؟؟
ليش دايما النية سيئة والنظرات اغلبها دنيئة ؟؟
طبعا كلامي مو لكم اعزائي بس فشة خلئ مثل ما يقولون ..
تقريبا كل مكان اشتغلت فيه كنت اصغر موظف هناك .. بس عمري ما حسيت بالاستصغار كثر هذيك الشركة ..
الحمدلله .. الله فكني منها
والحين انا بوظيفة يديده كليا ومكان يديد كليا =)
ادعووولي استقر لوول
هالوظيفة كنت ابيها من زمان
لاني احب اتعامل ويا بشر اكثر من الورق .. صج اني اشوف نوعيات تخليني اكره اني بشر بس في ناس باسلوبها وبطلتها وباخلاقها تخليك تحس ان الدنيا للحين بخير ..
ما توقعت ان الشغله تكون فيها حسابات وفلوس .. مع اني ماحب اتعامل ويا الحسابات بس حسيت اني ابي اتعلم والحمدلله تقريبا تمكنت منها =)
حبيت كوني بالواجهة بكل شي .. انا والماكينه والزباين .. الكل يشوف شنو اسوي وبشنو اغلط وبشنو اتميز
النقد بيصقلني والمدح بيحفزني ..
على اني مرات اتحسس من النقد .. بس بدافع الخجل واكيد اي احد ما وده يطلع بصورة الغلطان ..
بس اذا كان بناء فأكيد اتقبله
لا يروح بالكم بعيد ترى انا مو كاشير لوول
بس فيها من الكاشير وايد ..
وفيها من المسئولية وااايد
ادعولي بالتوفيق .. بسركم مو بالعلن
=)
Manooy
لوول افشل ماعرف اكتب الاغنيه بدون لنك :$
لوول ادري انحولتو من الالوان مادري شيايني اليوم ^__^"
posted by Manooya @ 7:39 PM
22 Comments:
اتمنى لك الاستقرار في مكان الأستقرار
مهما كان عدد الوظائف
مو مهم المهم الراحة والواحد شكثر بعيش
حسافتج يا كويت :
تسلم اخوي اجمعيين منو ما يحب الاستقرار
اكيد اهم شي الراحه لانه اكثر مكان نقضي فيه يومنا ..
وان شالله حياتك كلها استقرار وراحه =)
تحياتي لك وشاكرتلك اول مرور ^__^
وأنت رديتي الزيارة بأفضل منها
الله يوفقج
وبالنسبه للنك ظللي الكلمه وفوق لما تكتبين البوست في علامه @@ جذي صايره حطي عليها وحطي النك
تحياتي :)
حسافتج يا كويت :
حاظرين للطيبين =)
eng q8 :
أجمعين يا رب ويوفقك ان شالله =)
ان شالله بحاول اجرب المرة اليايه ومشكور وااااايد انك اهتميت بالموضوع ^__^
biltowfeeg inshallah =)
موفقة ان شاء الله
بس البنك الي تشتغلين فيه
يخوف
عبدالله :
تسلم واجمعين يا ولد خالتي =)
فريج سعود :
أجمعيين يا رب
..
بس انا ما اشتغل فبنك ^__^
اي بنك الي يخوف قصدك :P ?
مابي أحبطج وإن شالله تستقرين أنا عكسج متقلقصة بدوامي وماني قادرة أطلع
بس ترى الشغل اللي بالواجهة وفي ناس ومراجعين مو وايد زين ولا دايما سهل بتييج أيام تكرهين البشر وتتميين تتزوجين دكتور بيطري وتعيشين بعزبة لأن البهايم بيصيرون أرحم من تعاملج مع بعض البشر
فصبري وصبري عشان تقدرين تستقرين وتحققين اللي تبينه
اشوة اني موموظفة لووووووووووووول
انا دشيت الميداني وعشت هالوضع ناس منافقة وماتستحي بس انا مااسكت عن حقي:P
الله يوفقج
GooD Morning
Manawy
^_^
عالبركه ، ربي يوفقج ويسهّل عليج
ويثبتج
;p
ليش محّد قالي .. ؟
أهم شي تكونين مرتاحه بالوظيفة اليديدة، ماكو معاش من غير شوية تعب
ومعاناة الدوام والزملاء جزء بسيط من هالتعب
ماكو أحد مرتاح
سوي شغلج عدل
يحتار مديرج فيج
:))
مساء الورد
مبروك أختى عالوظيفة وتستاهلين كل خير
ومن تعب لعب
وعلى طبع الناس هذي الناس من بداية الدنيا مختلفين مثل الألوان
وهذا الشي صحى عشان نحس بلذة الدنيا
::::::::
لا يروح بالكم بعيد ترى انا مو كاشير لوول
بس فيها من الكاشير وايد
::::::::
هههههههه
أكيد كاشيرة بنزين
تسلمين ومنها للأعلى
وبس
بابل
تويتي :
منو يتحبط واهوا شاف طلتج وييين هالغيبة يبا ليش جذي ؟؟
ترى مصختيها ولا تعودينها ولهنا على مواضيعج الحلوة =)
..
اكيد دوامج حكومي .. مادري ليش احس انج تداومين بالتامينات =\
انا صج صارلي فترة قصيرة بس اعتقد اني شفت كل النوعيات !!
الله يستر كنت بس صبح الحين بيصير شفتات ويحوشني عصر =\
لوول دكتور بيطري مرة وحده :D
اهده واجابل القطاوة ;)
تسلمين عالمرور الحلو ونستيني بهالطله ^__^
ورده حب :
متشوفييش وحش ياختشششي :D
الناس المنافقة بكللل مكان بس اكثر شي بمجتعات العمل .. لووول الحين تهون البنت ما بتتوظف :P
لا يبا دام تعرفين تاخذين حقج ان شالله محد بيقدر عليج =)
منورتني خيتوو ^__^
حقوقية :
صبااااحج ورد ومسك ^___^
صج ان الحين بليل بس لما اشوف اسمج يصير صبح على طول :D
الله يبارك بحياتج يا رب والله ادري اني حيييييل كنت مقصرة بالبلوق وتلفوني كان مفصول يعني انا كلي انفصلت عن الخدمة لوول
على قولتج ماكو احد مرتاح لحد الحين الوضع زين بس هم لا يخلو
لوول حلوووة منج يحتار مديرج فيج ;)
منورتني قلب =**
بابل :
مساء الوروود كلها من جوري لي ورد حديقة الرازي لوول شكو
الله يبارك فحياااتك يا رب ^__^
ايي والله احنا عبارة عن الوان لازم كل الالوان تكون موجوده عشان نحس بطعم الحياة .. يعني بابل شنو بيقول غير الحكم !
بس كاشيرة بانزييين عااد شكلي بعيد النظر بالكلام الي قبل شوي :P
تسلم اخي العزيز واجمعين يوفق الجميييع يا رب ^__^
This comment has been removed by the author.
هههههه اهم شي انج مو كاشير
:P:P
الله يعينج و يوفقج و يسعدج بالوظيفة اليديدة ياا رب
و الصراحه اهم شي الراحه
يعني لو شنو كان المكان و لو شنو كا الراتب اذا كنتي مو مرتاحه ماراح تقدرين تعطين من قلبج،،و مو مهم انج غيرتي وظيفتي ٤ امرات المهم انج تستفيدين من تجاربج و تدورين اللي يصلح لج
الله يوفقج
هذي بيئات العمل خصوصا في القطاع الخاص
اللي ما يصير مثلهم.... صعب جداً يمشي معاهم
ياكلونه .... ما يخلونه
تغيير اماكن العمل المستمر مو زين للسي في
هاذي زيارتي الأولى للمدونه،،
أول شي الموضوع طويل،، انا قريت ثلاث ارباعه بعدين عورتني عيوني!
إذا تبين الصراحه هاذي الصراحه!
بخصوص بويهيين! هاذي قضيه انا اعاني منها بعد!.. مشكله إلي يركب على ظهور الناس ويتصيد عليهم.. !!
عموماً،،،
تمنياتي لج كل خير.. والصبر زين
عبثى :
انا زرت مدونتك وتعمرها بالمواضيع القيمه ان شالله .. مشكور عالزيارة =)
همم :
همم @_@
لا ما اصدق زايرتني اليوم شسالفه :D
وين هالغيبة يا بنيه وعالبركة يا ام فهد ^__^
اجمعين يا رب ويوفق الجميع واكيد اهم شي الراحه بالمكان قبل اي شي ثاني ..
ومنورة ^__^
حسام بن ضرار :
بالظبط بس هم الطيبة تغلب عليك ساعات وما تقدر تصير شرير شلحل بعدين :D
اكيد مو زين للسي في عشان جذي قمت احذف وايد وظايف منه :P
مشكور عالزيارة ولا تقاطع =)
ابراهيم :
يا عيني عالصراحه :D
اكيد اتقبل الصراحه يا اخوي يا ابراهيم..
ووجهات النظر لازم تتعدد بس الموضوع مو طويل شكلك ما زرت باجي البلوقات ما شالله تبارك الرحمن مواضيع طويلة بس ما تمل وانت تقرا لانه موو مهم طول الموضوع كثر ما انه مهم ان صاحب البلوق يفضفض عما في داخله ;)
وومشكور عالزيارة الخفيفه ولو طابلك عاود =)
تجري الرياح بما لا تشتهي السفن آب
مبارك عليج الباجي من الشهر
:)
ادري متاخرة
قاعد اكتب بحث عن الاستقرار الوظيفي
مشكورة عطيتني جم فكرة
الله يوفقج يبا
وانشاءالله تلاقين الي يسرج بهالوظيفة
:)
الله يكتب لج الاستقرار
والصراحه كل كلمه تقولينها عن الشغل انتي صادقه فيها
مااااااااااقول اللله ينقلني بمكان اكثر فرحا من الي انا فيه
Post a Comment
<< Home