"" .. ShOpPiNg العيد .. ""
قوة جماعه شونكم زينين ؟
تسوقتو حق العيد والا بعد ؟
شكلكم والله انتو الي خلصتو الملابس بالسوق لانه ما لقيت شي !!
اليوم وبعد عناء طويل
وحنه من امي العزيزة
ورجاءات من اخي العزيز
ونظرة تهديد من خدامتنا الموقرة (ابو عوف)
@_@
شرايكم بالاسم الي مختارته لها =\
المهم انه لايق عليها اههيي
طبعا ورا كل هالضغوط طخيت ورضخت لطلباتهم وطلعت السوق !
بعد عمري اهلي اههيي
لو رافضة جان تشلخت زف =")
المهم رحنا مارينا
-ادري بتقولون هذي ما عندها غير مارينا-
بس هذا الواقع المرير
لانه هناك تقريبا في محلات القى عندها الي ابيه
وانا بالطريج ياني الاحساس البطاطي فجأة جان امسك التليفون تلقائيا
وادق على رفيجتي حبيبتي
انا : وينج ؟
شيوم : بالسالمية ادور ملابس حق العيد
انا : صج ؟؟؟!!!
انا بعد هناك =D
تعالي مارينا شوي واوصل
شيوم : اوكيييي ^_^
وفعلا تلاقينا هناك لفلفنا شوي وكلينا ايس كريم
بعدين راحت لانها كانت ياية ويا ريلها
وبيمرون اهلها
طبعا طول ما احنا ماشين وانا :
يوعانه .. يوعانه
امي تقولي لا تمتنين بعدين ما تدش فيج بدله
قلتلها يما رياضة يومين ويتعدل الوضع ..
ويستمر مسلسل اليوع ..
المشكله صارلي اسبوعين اتنسى فبرجر كنج
كل ما ابي اطلب امي تكون مسوية اكله لذيذة وما احب اكسر بخاطرها
لان امهاتنا ما يحبون نطلب من المطعم لما يكونون مسوين اكل اههيي
اكيد انتو بعد
بس اليوم قت دامنا برا يلا فوقه
وبيني وبينكم مو حلوة تطلع بالياهل
جذي والا بويهه صمونه مو شي كلش =\
لا انا قاع اقول جذي عشان تحسون بحالتي بس ^_^"
وانتهى مشوار السوق وطلعت منه بقطعه وحده =\
المشوار الثاني كان الجمعية
شفتو ناس فاضين كثرنا ؟؟
جمعية الساعه 1 !
طبعا انا وقتها كنت مو تعبانه كلش -___-
خذينا اغراضنا ووصلنا قسم البطاط ..
ترا ترا تراااااا
بطااااط ^_^
طبعا انا انطلقت وحسيت بالانتماء
لدرجة اني خذيت 4 جياس بطاط وحطيتهم بالعربانه
لما التفت والا الطامة الكبرى @_@
امي مناك وقاع تضحك
عيل انا وين حطيتهم =\
اطلع والا المرة فاطسة ضحك =\
حطيتهم بعربانة المرة -____-
وا فشيلتاااااه !
رديت البيت ووجنتاي مكتسيتان بالاحمرار على ما حدث =\
حصلتو ملابس حق العيد ؟
اذا اي من وين ؟!
"" .. Manooya .. ""
20 Comments:
LOL اول تعليق
هههههههههههه لا والله فكه لا درت و لا دورت اكره ما علي لوية العيد
العادة اذا بعيد اكون من زمااااااان عندي شي مو لا بسته يعني يديد في سفره الصيف و الا قبل رمضان باشهر طاخته و مفتكه
بس هالسنه ماني معيده بالكويت اصلا فماكو عيد
هههههه ياربي العيله مو زينه مو زينه
cr8ivia :
عبالي بس انا قاعدة لي هالحزة اهيي =)
زييين تسوييين حبيبتي فاااكه عمرج عفية علييج
انا اكره ش عندي اروح السوق بايام الاعياد .. احس الناس خلصت الملابس ما خلو لنا الا الهباهيب =\
وين بتعيدين هالسنه ؟
خللللللصتتت حق العييييييد
=D
انجااااز اول سنة يصير ..
العاده لي اخر يوم .. امي زف فيني و انا من سوق لي سوق !
و اقعد اتحلطم على نفسي !
الحين عشر الاواخر و انا قاعده بالسوق افرفر !
اااخر سنه يصير جذي !!
و كل سنة نفس الشي !!
بس هالسنه رحت قبل رمضان بجم اسبوع ..
شريت التوب ..
الحين ابي تنوره يا نااس ياا هوو !!
مااافي !!
عطيت البلوزه همم و خليتها تركبلي عليها خام و توديه خياط بيت يدتها و افتكيت !!
بس تعبت مع الجوتي تكرمين !!
لفيت السوق لفففف و ما حصلت الا قبل جم يوم !!
و العباة من الصيف خليت همم بعد اتييبلي من الامارات ..
و جذي خلللصت ;p
كل سنه أكون خالصه كشخة العيد من قبل رمضان
و هالسنة عندي أكثر من بدله يديده ، كامله من اللفه إلى الجوتي - و انتي بكرامه
بس المشكلة إن اللي بخاطري ألبسها الوحيده اللي ما عندها لفه ، و كل يوم أقول اليوم بروح .. اذا مو الصبح بطلع بعد الفطور قبل الزحمه
و مستثقله الروحه .. عاد ما بقى شي
اليوم بروح إن شاء الله ، أهو محل واحد ماكو غيره و بطلع
الله يعيني على الزحمه
نسيت أقولج
ترا السوق هلاقه من زمااان
مو توه .. فـ ماكو أحد مخلص البدل السنعه
لأن الذوق العام للأسف من مده
منغير ذوق
موفقه بالفراره
;)
لوووووووول
عفويتج خطيرة ^_^"
أحسن ناس إحنا الشباب .. كلهم محل خامات ومحل غتر ومحل جواتي وانتو بكرامة وسلامتكم =)
والخيارات محدودة .. فاللي بيطول حده حده بيطول يومين
..:: خالد ::..
qiyadiya :
يا حظج يا حظج لوول
انا كل سنه ما القى بدلتي الا بيوم العيد الصبح =\
او اخر شي بليل ورا ما الف الاسوقة كلها واحصل امية زفة
عيل انا عكسج كنت محصله بنطلونين ومالقيت حق اي واحد فيهم توب =\
الا امس يوم رحت ولاعت جبدي خذيت من زارا مع اني ما احبه وايد بس السوق يلوع الجبد مو مال عيد !
عليج بالعافية ^_^
78o8eya :
زييين والله عفية عليج مخلصة =)
وعدل كلامج الذوق صار مو شي كله الوان غريبة واشكال معقدة ومو مرتبه
على قولت شيوم طبقات طبقات هههه =)
بس اهم شي انج حصلتي البدلات اما اللفات تارسين الاسوقة تقريبا اهم احلى شي
سوق السالمية متروس اشكال والوان روحي =D
ka4 :
لوول خالد تدري شلمشكلة =\ ؟
ان المرة كانت ماسكة العربانه يعني جبالي وانا ما شفتها .. شتسمي هذا
-__-"
اي والله محد مرتاح كثركم بالاعياااااد والعرووووس وكل شي اذا كلش كلش بتقطعون الكشخه حطيتو قلم =\
بديت احسدكم @_@
MaNooYa
باركيلي لقيت لي لفه
:pP~
شفتي اليهال شلون بدلة العيد عندهم تسوى و تعادل
..
آنا أزيد منهم
!
ما أدري بس مو من أي مكان أشتريها
:$
---
اهي بس طبقات .. شماريح
و خلاجين
و أشياء تقرقش عشان ما يضيعون
LoL ;P
78o8eya :
زييييين زيييين ياله عالبركة =D
انا اذا كنت مستانسة اسوي نفسج اهيص عشان بدلة العيد بس اذا مالي خلق ارقع =\
من وين تشترينهم ؟
لوول على طاري الي تقرقش بوريج جنطتي العجيبة الي شريتها من زارا بصورها واحطها بالفلكر عشان تضحكين علي ;P
بس ترا اهي حلوة عاجبتني مو تضحكين وايد بس شوية ^_^"
الله يعينكم
انا اشوف خواتى لى قرب العيد يحاتون ويتواعدون عقب الفطور على طول..واذا تازمت راحو الصبح فرارة من سوق لى سوق..:)
الحمدلله قطعتين خام وغترة وعقال من المسلم :)
تكرمين نعال تميمة من السرحان
كل شى كلاسيك
نفس المشترى ونفس المحلات ونفس الى يبعيون بعد
لوووول
:)
يلا عيدكم مبارك وتعودونه
yokin 2007 :
انا قايله بعطي عين @_@
الي اعرفه انكم اول يوم دشاديش حق الدوانية وبعدين تتكجولون =)
شزينكم اول يوم ويا الاهل الكشخه والتكانه والتغتر ....... ثاني يوم الشعر يوقف واللبس يترقع والمواهب تطلع اههيي طبعا مو الكل بس نماذج وهذا عادي ترى كل شاب لازم يستانس بعمره =)
انا حست كل السوق و ما حصلت ولا شي حلو
كل شي شتوي و كل السوق ملابس دوام ماكو شي مميز
و الأهم من ذلك ان احنا ما عندنا عيد من اول يوم بالشاليه لول
ما عندي سالفه مو؟ :p
zalabya :
حدددددده ماكو شي وعلى قولتج كله هدوم دوام ماكو شي كشخه حق العيد اكثره ملابس عمليه وهباهيب والكشخه عندهم شيفون بترتر =\ !
وناسة اهم شي الشاليه جينز وفوقه =D
لوول يا حظج مريحه روحج ^_^
princess :
لوول بعد عمري والله =*
جان قلتيلي اعزمج الله يهداج خليتيني اكل بروحي !
بس على حسابج ها ;P
ونااااسة زين تسوين عالاقل هناك اكيد في هدوم سنعه ^_^
sorry 4 my late re-comment :$
by the way .. your Flickr picz so nice , keep it Up my dear ;)
مو واحد ، الوالده كانت تسافر و تييبلي
و ساعات آخذ لي قطعة جاهزة و أركب عليها
وبالفترة الأخيرة أتعامل مع مشغل بالروضة ، عندهم تصاميم راقية و حتى لو بغيتي موديل من الكاتالوج .. إييبونه لج ييب
و خياطي بعد شاطر ، تقريباً تطلع علي البدلة بسعر الجاهز
^_^
متى بنشوف الجنطه
؟
:p
78o8eya :
اهااا يعني ساعات تفصلين بالخياط والله خوش فكرة تكون الموديلات على كيفج وانتي تركبين عليها الي تبين هم وناسة =)
حايشني كسل تصويري امس ادري تاخرت عليج بس انشالله اليوم ورا الفطور اصورها لج ولا يهمج -_*
78o8eya :
ثانكس حبيبتي من ذوقج الحلو ^_^
ترى الصورة تنطرج بس لا تتوقعينها حلوة بس انا احب هالاشياء ;D
تقبل الله طاعتج وعيدج مبارك وعساج من عوادة
العين الساهره :
منا ومنكم انشاء الله
اسعد الله ايامج يا رب =)
يعني انا يا اي اطق كرت اول شي
يا ايي متأخر.. ادري علشان عيد بتسامحيني
^_^
اول شي عيدج مبارك وكل عام وانتي بخير
وحدي مت من الضحك على الموقف اللي صار مع المره بالجمعيه ههههه لان صاير معاي من قبل وحدي حاسه فيج;P
:P
منوووووووووووووووويه
كل عام وانتي بخير وعيدكم مبارك
الله يعيده على الجميع انشالله بالخير
nescafe :
لووول لا يبا ما من زعل يكفي نورك عليّا -_*
وانتي بخير وايامج سعيدة قلب ^_^
لووووول وناسة يعني مو بس انا ^_^"
hosno :
هلااااااااااا ^_^
لوول اول شي ليش الـ :P ??
وانت بالف خير وصحة وسلامة وايامك سعيدة ^_^
Post a Comment
<< Home