"" .. هل انت قبسة ؟؟ .. ""
لوول ادري بتحقدون علي على هالعنوان
الى اي درجه انت قبسة وويهك فقر ؟؟
يترواد هذا السؤال في ذهن الكثيرون ممن يعانون من داء النحس المنتشر منذ العصور الازلية والسبب غير معروف لحد الان !
اكيد كل واحد فينا لما يصيرله موقف يقول يا ربي ليش جذي كله يصير فيني واذا اشتدت فيه الحالة يمكن يتهور وياكل وجبه من هارديز يقع اثرها متسمما وهم يرد يقول يا ربي ليش صار فيني جذي =\ !
اكيد بتقولون هذي شفيها قاع تقبس علينا بهالبوست بس لاا لاااا من صج هذي مشكلة عويصة ترى !
اعاني منها من زمان .. هو اني كل ما احب شي او منتج معين وأألفة و اتعود عليه ينقطع من السوق @_@
Hungry bunny
قبل .. يوم كنت في اوج طفولتي البريئة ما يصير يعدي الاسبوع بدون وجبات الارنب الجائع
–الله يرحمه- جك بوم والا شايلينه واستلم يا بجييي ابي الارنب تطلعونه من قبره !!
اخر شي قصو علينا فبرجر كنج الظاهر ارنبهم مات من اليوع اههييي وراحت ايامه الله يذكره بالخير
بس عندي ساعه أثرية كنت رابحتها ويا وجبة من عندهم على شكل مضرب تنس ومرسوم داخلها الارنب
اللطيف وتأبى المروءة اني اشيلها من داري ههه شفتو شلون انا مخلصة =)) !
بس الله يرحمك يا ارنوب !
Baskin robins
لا المحل لما الحين موجود ولله الحمد بس يتلهم فترة يسوون مشروب لذيييذ حده عمري ما ذقت مشروب نفسه اسمه سموذي smoothie كنت ادمااااااان عليه اهو مكوناته عبارة عن فروالة وايس كريم وتوت وبعض الاضافات اللذيذة وبالخلاط بس كان فيه سحر لا يقاوم !
يوم من الايام رايحه الفرع المتفرع وادش بكل ثقة والسعاده تغمرني لاني متأملة بشربه ,,,
ويستقبلني الفلبيني بابتسامه شاقه حلجه جنه يعرفني من ايام الروضة :
هااااي مدااام قان اي هيلب يوووو ( الـ ك عندهم ق ما عليه طوفو)
انا : هااي كان اي هاف سموذي بليز >> اهم شي بليز نفس ما علمونا بالمدرسة
الفلبيني : اووووووووووووووه ام سو سوري وي ار نوت ميقين ات اني موووووور
انا : انصقعت .. يتني 3 انفعالات في وقت واحد @_@
الاول اني انصدمت الثاني دمعت عيني الثالث استجمعت فيه قواي العقليه اللي تطشرت بفعل الصدمة
وبينما كنت ايمعهم جان تطري في بالي فكرة !
قلت ليش ما اصير ذكية لمدة دقيقتين واخذ منه المقادير والطريقه =D
الله علي الله اشرايكم فيني ذكية مو ;P
وبالفعل التقطت ورقة وقلم وقلتله عطني الرسبي لابو الحظ العوي اهووو
وصرت اسويها على طول بالبيت بس يتني فترة قطعت والحين نسيت الطريقة =
و الله يرحمك يا سموذي !
Lip smaker
اعتقد 90% من البنات راح يعرفونه والي ما يعرفونه هذا مرطب شفايف فيه لون خفيييف حده وفيه طعم حلو
كنا نستخدمه ايام الطفولة والمراهقة
ولاني كنت مرابطة بالجمعية ايامها اوووه كان احلى مكان عندي الجمعية لوول ايام العشق الحلاوي- كاكاوي وشفت المرطب هذا وصار بينا الفة ومحبه
وبعد مرور سنه اختفى هذا الكائن من الوجود @_@
والله يرحمك يا لب سماكر !
اهئ اهئ لحظة خلامسح دموعي عشان اعرف اكمل ="
وشغلات وايد بس مو متذكرتها الحين ..
Max factor
بس اخر شي والصدمة المؤلمة هي ...
بودرتي المفضلة .. ( لا تفهموني غلط يا جماعه بودرة ميك اب =\ )
ادري هالماركة مو بروفيشنال ولا راقية ولا شي بس صج انا جربت اغلى واحسن الماركات بس مثل هالبودرة ما شفت =(
بكل المحلات مخلصة ماكو بعد القرادة شلون صايرة ؟
لا واللي يبط الجبد ان رقم( 1) اللي هو الدرجة اللي ابيها اهو اللي مخلص ومقطوع من الشركة بكبرها =
خلاعطيكم مواصفاتها يمكن تمرون محل ميك اب سالولي عنها اذا موجودة قولولي ولا تنسون تسكرون المحل بالشمع الاحمر عشان محد يدش وياخذها قبلي @_@
ماكس فاكتور الي غلافها ذهبي رقم واحد ="(
بعد هالمأساة قولولي ان مو بس انا ويهي فقر لوول اكيد في مواقف مشابهه صارت لكم
واسوني فيها
~~~~~~~
"" .. Manooya .. ""
posted by Manooya @ 5:52 PM
19 Comments:
ضحكتيني يا منوويه بهالبوست
اييييه يالارنب الجائع
تدرين عاد رقم المطعم قريب من رقم بيت يدي.. قبل كانو يدقون على بيت يدي بالغلط يقولولنا الارنب؟ نقولهم لا الزرافه
هيهي يااربي كنا مليغيييين
المهم.. انا المشكلة هاذي صارتلي مع معجون الاسنان.. مااااعرف استخدم الا هالمعجون، في يوم من الايام انقطع من الجمعية! ضاق خلقي حست من جمعية لي جمعية موولاقيته، وعقب فتره قمت القى بس 1 او 2 ولا ماالقى بالمره.. فـ قمت كل ماالقى اخذ لي مؤونه
تصدقين عاد صج دائما تصير
انا كنت احب ايس كريم عند ماكدونالدز اسمه صاندي مانجو
كل يوم اروح اشتري من عنده
وفجأه اختفى ليش مادري
بس انا سمعت من الناس اللى مهتمه بعلم النفس وبالروحانيات
ان الواحد اذا رغب بالشي لدرجه كبيره جدا يعني من اعماقه راح يحصل عليه
شي يضحك صح
انا كل يوم ارغب بشي من الاعماق بس ما قاع احصل على شي
الظاهر يقصون علينا
لوووووول
NESCAFE :
عسى دوم الضحكة ما تفارقج حبيبتي =)
هههه عجبتني الزرافه
والله مشكلة شنو هذا ما يمديني احب شي الا طار خلاص بكره كل شي =P
لا وابشرج بعد توا احترق ليت داري والاول كان محترق مسبقا .. لا لا لازم ابجي =\
zedoon :
هههههه لحظه لحظة ابي اعرف شي واحد عشان اتاكد من شي في بالي !!
هالحجي كان بتاريخ جم =\ !!
عشان اعرف اذا بالفترة اللي اشتغلت وياكم فيها يعني لي طرف بالموضوع =\
يمعود علم نفس ورحانيات لو فيهم خير جان ما كل يوم واحد طلع نظرية ونقدها وايي الثاني ويخرف على عمرنا واحنا صح صح غلط غلط لول
بس يونسون يحليلهم =)
انا دايما ارغب من الاعماق لول اهم شي من الاعماق واخر شي يختفى من الاعماق بعد =\
اسعدني مروركم ^_^
princess :
wow shthakarej feeeh =D
kan ma yfareqne ayam el madresa a7e6ah gabel el books lol la wkent a7er rab3e feeh l2ana kan ma ybee3oona bel maqsaf =P
mo bas abo walad fee ele 3la shakel foot crazy dips haman 7ilo o lama al7een mawjood =D
ele ysawe jarraqe ;P
lol u r lucky they r still alive =D
همممممممم .....
ماعتقد انج مقبسة ولاشي بس لازم يصير عندج نوع من المرونة بالتغيير ...انا مثلا رحت امريكا ايام الدراسة وتبهدلت لاني مالقيت الشامبو اللي متعود عليه ولا الكاكاو اللي احبه واشياء وايد ...بس من اجرب شي القى شي احسن ...وجذيه ..الدنيا بطبيعتها تتغير ..... فعادي هونيها وتهون ..
عندي لج مفاجأة ...في مطعم نفس الارنب الجائع بالضبط او عن الحلال والحرام 90 % ...بالسالمية بشارع البحرين ..اسمه الارنب الجوعان او شي جذيه ...تلقينه على ايدج اليسار اذا انتي ماشية بشارع البحرين ومتجهة للبحر ...شكله نفسه وشعاره تقريبا نفسه ...الاهم ان الاكل وايد قريب عليه
جربي وبلغيني :)
تحياتي
حاولت ارقع يمين يسار فوق تحت ماكو..
انتي قبسه.. آسف :(
هههههههههههههههههههههههههههههههههههههههههههههههههههههههههههههه هاذي عندنا ضحكة عندكم بالكويت ينقال لها
لوووووووووووووووووووول
المهم ان تدوينتج هالمرة غير شكل صراحة و اللحين لو تجوفيني شاقة الحلج من اللي قريته
المهم اجابة على سؤالج اللي يقول هل مرة حبيتوا شي و انقطع من السوق
عندنا في البحرين مطعم اسمه الشعلة اكله شنو لذيييييييييييييييذ عاد مرة من المرات كانوا يبيعون فلافل و هذا فلافلهم شنو عالمي شي شي لاصار و لا استوى المهم اني عقب ما عشت حاله عشق مع هذا الفلافل قرروا انهم يلغون هذا السندويج من المنيو تبعهم و ليومج هذا ما ذقت فلافل بحلاتها و في شي بعد كنا وايد نشتريه و احنا يهال الحين اجوفه انقرض من السوق اللي اهو عصير توم ان جيري كنا كله ناخذه حق الروضة هذا تعليقي و خلق و قبل الختام اقول
نبي كل يوم من هالبوست الشغل عدل
bo-sale7 :
اي لما تغير الديرة اكيد تتغير عليك وايد اشياء ومن ضمنها انك بتفقد المنتجات الوطنية هههه
بس على قولتك اكيد بتلقى شغلات احلى وانا من الناس اللي تعشق التجديد بس ياخوك في شغلات تتعود عليها وتحس بالانتماء لها =))
ويبيله نجرب الارنب الجوعان لوول اهم شي اسمه صج اني حاسة انه مو نفسه بس يلا شي من ريحته =)
princess :
princess allah yhadaj t7asesene ena akthar men mojarad 7alaw @_@
bodar - a7taja lol =\
bas 9ij kan 7iloooo =D
shakla enqara6' =\
zombie-commando:
لوول مو شي يديد ;P
بس بقولك معلومه ترى الانسان الطبيعي البالغ العاقل كامل البنية الجسدية والعقلية لازم يحتوي على نسبة معينه من التقبس وهذي النظرية ثبتت علميا =))
يعني لا تقولي انك ولا مرة بحياتك قبست =D
وحياك الله في البلوق =)
بحرينية :
اول شي يا عسى هالضحكة دوم وتعيشين طول عمرج شاقة حلجج "من الضحك طبعا" بالكويتي والبحريني وبكل اللغات =D
لوول اي اي بالضبط هذي الحركة البايخه ان المكان موجود بس الشي اللي انتي تبينه يلغونه من الوجود =\
الله يعوض علينا =D
تسلمين يا قلبي وجودج اسعدني =)
looooooool
انا كنت ناويه ارد بس مادري شصار بالكمبيوتر فيزاها الله خير نسكافيه اسمحت لي اكمل باجي شغلي على لابتوبها :)
المهم
مو سالفة تقبس بالعكس .. استمتعي بكل وجبه تاكلينها وبكل شي تهبين فيه :))))
شوفي بالنسبة للأكل صراحه كنت شاكه اني نفسج .. بس بالله من فضلك المطاعم تسوي عروض فتره وتخلص فعلى حظج تولعتي فيها :)
ماعليج اذا هبيتي بشي مايخترب اخذي منه اثنين وثلاث احتياط :p
ذكرتيني باحسن شامبو استعملته بحياتي !!!
و انقطع من السوق فجأه و من غير مقدمااات !!
كل الانواع موجوده الا النوع الي استعمله !!
و تميت مده احوووس على ما لقيت شامبو ثاني يناسبني ;p
و بعض المرات يكون عندي بحث اتعب عليه و ما باقي شي و يخلص !!
عاااااااااااادي جدا يخترب الكمبيوتر و تصليحه يحتاج فورمااات !!
فيروح كل شغلي!!
واذا ما صار هالشي البرنتر يخترب و اقعد احوس عشان اطبع البحث !!
الشعور الي قاعده تحسين فيه عاااادي جداااا ;p
relaaax :
هلا بالريلاكسيين اسم على مسمى بما انج
ههه رفعتي معنوياتي يعني انا مو قبسة ولله الحمد =))
والله كثر ما انقرصت باختفاء الاشياء شكلي باخذ درازن =\
ما يشوف شر جهازج مسكين شلون صار =(
نسكافيه خوش بنية ما تقول شي صح نسكافيه ;)
qiadiya :
اسفرت وانورت وينج يالقاطعه ؟
قيادية لا تقوليلي انج تميتي كل هالفترة بدون لا تغسلين شعرج @_@
لوول اتغشمر ;P
امبيه مشكلة جهازج مشكلة انا ساعات اكون مسوية شي وتعبانه فيه وبكل بساطة ما اكون مسيفته ويرووح بس الفورمات اقشر الله يعينج =\
مشكورين ^_^
Salaaaaaammmm
thakartenie bayyam el khooo9 o el 7alaw wel kakaw wel bafak
khosh post 6ofooli hehehe
hehehehhe :P
ضحكت ضحك عالبوست ..؟
مم منوية انا انسانة طبيعية عاقلة .. ف تييني حالات اكون فيها قبسة
:P
مممم
بفرايديز كرة كليت منهم شي حده حلو قيادية قالتلي عنه ..
قبل اسبوع او اكثر بشوي رحنا عشان بس هالشي ..؟؟ يينا بنطلب جان يقولنا ما عندنا ..؟؟ خلص ..؟؟
:( :(
انا كنت ببجي لأني صج رايحه فرايديز عشانه
و الكميوتر هذا اكثررر شي حسيت اني قبسة فيه كل ما اسوي بحث او ابي شي يخترب يعلق ...؟ لازم يصير شي ..؟؟
هذا اللي تذكرته ..؟ طبعا في بعد اشياء يمكن اقولها بعدين
:P
thanXx ,, niCe PosT :D
آآآآآآآه
على
HUNGRY BUNNY
zalabya :
3aleekom el salaaam =)
ya3jebne thooqej ;)
fe a7la men el kakaw wel 7alaw wel bufak weya daqoos =D
yum yum =9
Hemam :
انشالله دووم تضحكين =)
همم اي لا تحاتين انتي طبيعيييييييييييه 100% =D
اما سوالف الكمبيوتر فلي سوابق ويا كمبيوتري القديم بغيت ادش الطب النفسي بسبته بس الله ستر =P
الله يخليلي الاتش بي الحبيب عوضني عن اللي شفته من هذاك لوول =)
نورتي بلوقي المتواضع ^_^
Chai-7aleeb :
اي والله اي والله اي والله ;)
hi
اهم شي
الـ ك عندهم ق
صج
ههههه
انا كنت احب
7up الإستوائي
(ترابيكال)
بس كان فترة محدودة وقطعوا
-
وعلى فكرة (الأرنب الجائع) سامع انه موجود بسوق السالمية
باجا ستايل___ملاقة ستايل
هلاقة ستايل
هه
<:
fido_dido :
هلا فيك =)
لوول على طاري كـ و قـ اذا تبي تضحك صج روح ماكدونالدز قولهم ابي ماك جكن ويا كوكا كولا بيقعد يبقبقلك لي باجر لوول ;P
على طراي الارنب الجائع الي بسوق السالمية ترى هذا مو صجي مضروب =(
اهو كان ملك الحميضي واهم بدلوه فبرجر كنج =(
سوق السالمية املق مكان شفته بحياتي >__<
شاكرتلك المرور اخوي ونورت البلوق =)
التقبس هو مرض مزمن يصيب الانسان البالغ ويجعله يكره نفسه
أما القبسه فهو الامسان البالغ اللي وين ما يطقها عوية لا و ساعات يعادي غيرة بعد
انا ماكان ودي احبطج بس حبيت أوضح الصورة
:))))))))))
physio-80 :
ليش اتحبط بالعكس اصلا انا كتبت هالبوست عشان اعرف وجهة نظر وتجارب الناس الحية في هالموضوع وبعد الدراسة والتدقيق اكتشفت انه مو مرض بالعكس صفة طبيعية موجوده بكل انسان له اهتمامات وحب اطلاع وتجارب بريئة =)
بس لا تحاول تقولي ان ما صارلك موقف مشابه ;P
شكرا عالمرور والتعريفات ;P
Post a Comment
<< Home