"" .. قرقيعان وقرقيعان .. ""
أول شي صفو بالدور
..
مابي مخامط
.
.
اي خلكم جذي حلوين
يلا عفية عالشطار غنو ^_^
سلم منوية يالله خلها لامها يالله
.
.
الي ما يغني ما اعطيه كاكاو اعطيه حلاو محزر وفستق فيه دود كيفكم
نياهاها ^_^
والله وناسة ايام القرقيعان والفرة بالفريج
يا ريت الطفولة تعود يوما =)
شنو مغامراتكم القرقيعانية =)
posted by Manooya @ 12:38 AM
23 Comments:
كنت قبل كل مااقرقع يصير فيني بفاق
ويصدف البفاق واليهالوه شايلينها
اقول يسلم هأ يالله خالله لهأ يالله
انا ولا مره قرقعت!
امي ماكانت اتخليني
:(((
princess :
تدللي تبين كاكاو من سويسرا اييبلج افا عليج انتي بس اطربينا =)
barrak :
لوووول زين زين اهم شي انهم يكونون شايلينها يعني صوتك يضيع بالطوشة =)))
يا حلو قرقيعان قبل =")
anonymous :
وي خنت حيلي ليييش =(
بس يلا ما عليك احنا فيها وبلوقي مفتوح حق كل الراغبين في القرقعه والي طافهم قطار التقرقع الله يقرقع الفرح بقلوبكم دنيا واخره امين =)
وااااااااااااااااااااااااااي شوقني الجلي الاحمر أبيييييييييه! ؟
;p
يالله كل قرقيعان وانتي بخير =)
ترى انا ليلحين صافه بالدور انطر نصيبي من القرقيعان ^_^
اذكر مغامراتنا عاديه يعني ماكو شي معين، واغلبها كاتبتها بالبوست الاخير انتي مريتي قريتيها ومشالله طلعنا نشترك معاكم بسالفة حلاو بوبقره وتحذف اليوز عالطوفه
بس اكو موقف يفشششل ليلحين في بالي
!!اكو بيت مرينا عليه مره..ومرتين.. وثلاث
الشايب اللي بالبيت عصب جان يقولنا بسسس جم مره نعطيكم قرقيعان نصرف على عميان ! الله يالفشششله
بس طبعاً قبل ما نندقر وماعندنا فشله لسانه شطووله نقوله لا لا هذا مو احنا ! جذابييييين
والله ذكريات
ضحكني اخوي براك واهوا يقرقع وفيه بفاق هههههه
relaaax :
لوول عاد جنج تدرين اهو اول واحد كليته -_*
وانتي بكل الخير يا قلب ^_^
nescafe :
أووخ !
نسكافيه لما الحين صافه دور وما عطيتها !
عاد عسى قرقيعاننا يسوى النطره ^_^"
هههههههههه نسكافيه متأكده انج ما كنتي ويانا ؟!!
امبيه نفس حركاتنا
لا واذكر كان في بيت مصاروه رحنا اول يوم قالو ما عندنا ثاني يوم قالو ما نعرف القرقيعان والمشكلة كل ما تطلع المرة بيدها حب ههه عاد لساننا شطوله نقولها من وينلج الحب عيل والله احنا اي شي ^_^"
ونجاهد ونعبر شوارع كله في سبيل القرقيعان الي ما ناكل منه شي بالاخير بس المتعه بالمغامرة .. ايام والله ="))
منوية انا اشك فيج الصراحة!! شكلج لي الحين تقرقعين بالفريج
:P
الله الصوره حلوووه
انا ابي التوكس اللى بالصوره
مالي شغل خشيه حقي
بس ما ادري جنه الدور طويل
مو تعطينه احد انا حال فيه
ززززززين
q8-eye :
استر علينا الله يستر عليك ="))
zedooon :
اكيد حلوة كلها كاكاو وحلاو اهيي
عينك فيه @_@
خلاسوي تحذير لحد ياكله ترى عينة والاميري زيد دير بالكم مالنا خلق نقضي العشر الاواخر غسيل معده ورانا عيد ;P
ورا هالتحذير ما اظن احد بياخذه لوول
لول ثانكيو ^_^
قرقيعان و قرقيعان ، بيت قصيّر و رميضان
عادت عليكم صيام
كل سنه و كل عام
سلم منوويه يالله
يالله خلها لأمها
عسى البقعه ما تخمها و لا توازي على
أمها
^_^
نشف ريجي ..
بس قرقيعانكم يشوّق .. يستاهل هالصراخ
عساج من عواده :)
قاعد افكر وانا اقرا تعليقج شنو طشييته الحين فهمت
انا ابي المارس المخشوش بالزاويه
ليش خاشته ؟ ابيه مع اني ما احب المارس بس مدام مخشوش يعني فيه سر
سلم منويا يالله خلها لأمها يالله
يصير الحين أقرقع والا خلاص فات الميعاد !؟
مالي شغل انا ابي من سويت فاكتوري رجاءا
:p
anonymous:
any time walaw =)
78o8eya :
يه يه يه شالزين جذي التقرقع يبا تستاهلين احلى قرقيعان =)))
وبحطلج فيه زهورات عشان يرد صوتج ;P
نورتي البلوق =)
hosno :
ما تحبه وتبيه @_@
ليش الظلم ادري فيك تبي تستجوبه لانه من مسببات التسوس بما انك دنتست انا عشان جذي خاشته بس اخخ جكيته !
ما عنده اقامه مو تفتن عيه ="))
tweety :
شكرا شكرا اكيد يصير ^_^
ليش ما تبين كاكاوي @_@
تستاهلين حلاو بو تمساح والبيضة الي يحطونها عشان يضبطون الوزن هههي =)
ما تقصرين و الله
والبلوق منوّر بأهله
;)
يا سلاااااااام, والله الصورة روعة والكاكاوات أروع.
بس أنا ملاحظ ان شعب الكويت مع تطور الزمن وتطور الكاكاوات الواضح بالصورة, الا ان الشعب لا زال يقط علج بو الكور اللي على فراولة و برتقال بين القرقيعان جنه ما يدري . هذا أول شي لمحته بالصورة لول.
بس والله انه هالعلك من أحلى العلوك
هابي قرقيعان با بطاطة و عساكم من عواده انشالله :)
7a8o8eya :
تسلمين قلب ^_^
sar7an :
ثانكيو للاطراء طب وتخير ^_^
والله صاج اهو حلو بس بسرعه تروح حلاته
انا مو من ربع العلوج يعني حسب المزاج
تستاهله افا عليك =)
علينا وعليك يا استاذ سرحان نومت البلوق قصدي نورته يعني هههيي =)
ونستوني بمروركم ^_^
Manooya allah isalmech this ramathan faja2ni bel gerge3an lol
cuz more than 4 times yahal ehnood yaw garga3aw ebaitna o hal 4 marat el yahal ekonon ghair ya3ni metkhayla shkether??
el gerge3an 6areqa men 6oroq el 3awlama wela shrayech lol
zalabya :
LoOoOoOoOoL zalabya ma marraw 3aleena bas it seems wanasa =D
el salfa tabadol thaqafat o momken tad5el fe n6aq el 3awlama men bo2ra thawreya ;P
سلم ميونا يالله خلها لأمها يالله
إشلون بتعطينا القرقيعان بالمراسلة ولا بس نشوف الصورة ونتخيل إنا قاعدين ناكل هالحلاو والكاكاو،هاهاها
سلم منويه يالله خلها لامها يالله :))
ابي كاكاو :)) مابي حلاو محزر:)
العين الساهرة :
ميونا @_@
راح اطوف -__-
جيكي على صندوق الجرايد باجر ولا يصير خاطرج الا طيب هههييي -_*
حيااااج ^_^
kuwaitia :
بعد عمري والله اخذي الي تبينه ^_^
بصراحه الصوووره روعه ..
والألوان اللي فيها تشوق ..
بس تدرين شنو اللي صج عجبني اللشغله الذهبيه اللي جنه ينحط فيها الككاو ..
شكلها سلة القرقيعان ..
مشكوره وايد ..
ذكرتينا بالقرقيعان اذكر قبل نروح نقرقع ونلف الفريج لف واخر شي ايمع النقل اللي فيه ..
ههههه
Post a Comment
<< Home